Aprimu zai totu su territóriu a monte de Bonarcadu fuit ammuntau a matas de crecu, est po custu chi ancora oe in custu zassu si agatat unu territóriu chi si narat "Cracchedu"



Po su bisonzu de territóriu chi sos pastores teniant po pàschere su bistiamene e sos massajos po semenare, su buscu e su matedu chi ammuntada una isterrimenta manna de su territóriu de Bonarcadu a pagu a pagu est istetiu zai totu ispérdiu.



In Bonarcadu si agatant po s' imprus matas de : crecu, olia, suerzu, Murta, lidone, in paris cun matas de castanza, élighe e cariasa.









Sa cariasa chi aprimu fuit una arrichesa manna de sa bidda, in custos úrtimos annos, po s' assutore chi at fatu, si che fuit zai totu isperdia, commo sunt torrandende a pònnere po s' imprus a monte in su coddu de Pranos inue su logu est prus friscu e prus arricu de abba.
Po mesu de s' Amministratzione comunale dogna annu su 2 de lampadas si faet sa sagra de sa cariasa, atóbiu mannu po totu cuddos chi papant e ddis praghet custa fruta.

In territóriu de Bonarcadu fintzes pagu tempus a como chi biviant arratzas medas de animales, oe medas zenias si che sunt isperdias ma chi sunt ancora animales de importu mannu.



Intra de totu sas aratzas de animales chi si agatant in Bonarcadu, po cantu pertocat sos mamiferos, si agatant: Su Sirbone, su conígliu, su lèpere, su matzone, su gatu, s' annamele, s' aritzu.


Su Sirbone



Su sirbone, chi aprimu biviat solu in su monte, commo si agatat in totue po s' imprus ca su territóriu benit impreau in modu diferente e ca medas cunsorzas inue aprimu due fuit sa preséntzia de s' ómine, oe sunt istetias abbandonadas.
A su sirbone ddu cassant in totu su territóriu.


Sa crabola



In territóriu de Bonarcadu aprimu chi biviat sa crabola. Distimonzu de sa preséntzia sua est su contu de comente ant atzapau sa cresiedda de Nostra Signora de Bonacatu.
Narat su contu ca unu cassadore, poninde ivatu a una crabola, apat atzapau asuta de su buscu e de sa malesa una cresiedda e diat a essere apustis de custa iscoperta chi sos reis de Arborea, aiant tzerriau, in su 1000, sos paras benedettinos fundadores de sa bidda ( chi aiant pasau sa bidda)


In logu de Bonarcadu si agatat puzonedu meda: Brufularzos, Crobos e Corrogas, Perdighes, Culumbos Arestes, Trúturis, Astores e Benturzos.





Su benturzu, chi fintzes pagu tempus a como biviat in su territóriu de Bonaradu (diasi comente si faet pentzare su númene chi tenet unu territóriu in lacanas de Bonarcadu chi si narat "Funtana Benturzu"), oe non si che agatat prus fintzes si sa Forestale de paritzos annos e cricande de ddos torrare a betire


In territóriu de Bonarcadu si agatant tzilighertas, coloros, tiligugos






In sos arrios de Bonarcadu chi bivit sa trota e s' ambidda.

Bonarcadu si agatat a palas de su Montiferru, a capu de sua de su Campidanu de Oristanis e tenet una isterrimenta de 28,54 Kmq. S' aerzu est cussu de sos paesazos vulcanicos, inue sa perda niedda ammesturada a arrocas de tufu si agatat in totue e inue su birde de su matedu, chi creschet su imprusu in s'oru de sos arrios, zat bella afatzione a totu su territóriu.



S' arrichesa manna de Bonarcadu est s' abba, in totue, fintzes aintru de sa bidda, si agatant bellas funtanas chi abbundant totu s' annu, e chi sunt connotas fintzes de s' antigoriu, comente su "Canturu Betzu".



Surcos longos atraessant, e imprentant totu su territóriu: sos arrios e intra custos s' Arriu Mannu chi partzit su paris de su monte, chi istuvat chi currit chi sàrtiat in s' istrampu de sos Mulinos e inue aprimu si agataiant, riu riu, mulinos e cracheras.



De importu mannu su imprusu po sa funtzione produtiva est su Arriu de Tzispiri, inue sos pastores oe comente aprimu acudint po abbare su bistiamene.