Ite est?

S' I.C.I. est s' imposta comunale po sas domos posta de su Guvernu in su 1993 cun su D.L. n° 504/92.

Chie depet pagare s' I.C.I.?

Depent pagare s' I.C.I. totu cuddos chi tenent domos, locales, terrinos de fraigu o terrinos agriculos in làcanas de su Comunu de Bonarcadu, cussos chi tenet terrinos de su demaniu, e totu cuddos chi tenet domos a pesone chi impreant po su tribàgliu.

Candu si pagat?
S' I.C.I. si pagat in 2 ratas:
Sa prima rata si pagat aintru de su 16 de lampadas,
Sa segunda rata si pagat dae su 1° a su 16 de nadale


Inue e comente si pagat s' I.C.I.

S' I.C.I. si pagat a sa posta, po mesu de su c/c postale númeru 13656087 intestau a su Comunu de Bonarcadu - Servitziu Tesoreria ICI

Noas
Cun provedimentu de su diretore de s' Agentzia de su 26/04/2007 s' ICI si podet pagare fintzes cun su modellu F24

S' ICI po totu cuddos chi bivint in estero

Totu cuddos chi bivint in s' estero podent pagares' ICI totu a una borta de su 1° a su 16 de su mese de nadale, apricande su 3% de interessu, depent pagare asua de sas domos de propriedade o de usufrutu chi tenet in Italia.

Sas Alìcuotas I.C.I. po su 2007 de su Comunu de Bonarcadu

Su Consizu Comunale de Bonarcadu cun delìbbera n°2 de su 9 de martzu de su 2007at determinau sas alìcuotas I.C.I. po su 2007 diasi comente sunt inditadas innoghe:
Alìcuota ordinària su 4 ( battoro) po milli
Alìcuota magiorada su 6( ses) po milli po sas domos boidas francu po cussas de propiedade de sos tzitadinos chi bivint in estero
Alìcuota a su 4,5 po Milli po totu sas atras domos o locales comente ufítzios, albergos.
De determinare in Euros 130,29 sa detratzione de s' imposta po totu sas domos inue si bivit.